Monday, January 8, 2007
لاتستهين بأي صغير

الكثير منا يستهين بالصغار وخاصه اذا طلبوا شي اكبر منهم


دائما نقولهم لا انت صغير ماتعرف شي !!




مره كنت طالعه مع عيال اختي الاكواريوم ...ويبت كامرتي معاي على اساس اصور السمج

لاني الصراحه احب التصوير!! وكالعاده من امسك الكاميرا ينقز ولد اختي مشاري :تكفين هبه بصور



;p(طبعا الاخ شاطب كلمه خالتي من قاموسه )



وانا اقوله مشاري ماتعرف روح شوف السمج ..لكن يومها كان(قافل عدل) يعني مصمم


صورت انا جم صوره ويومها ماكان لي مزاج اصور فقلت خلاص خل اخليه يصور عن خاطره


عطيته وماصدق خبر ومابقى شي ماصوره


وعقب ماخلصنا من المركز العلمي ردينا البيت

واهني قلت خل انزل الصور واشوفهم لكن صج انصدمت


ياهل وعمره 7 سنين يطلع بنتايح جذي شي خيالي لعمره

ومن يومها الصراحه وانا ماقمت استهين باي شي يقوله




;pولما اصور اخذ راية





الصراحه حسيته فنان ;p




هذي الصوره صورها على ارتفاع الصخر بصراحه ماتوقعت يطلع بصوره جذي



هذي بعض من الصور طبعا مقارنه بعمره اعتبره مبدع


لوول اهم شي التوقيع يعني حقوق مشمش محفوظه ;p





 
posted by ::heba:: at 12:52 PM | Permalink |


10 Comments:


  • At January 8, 2007 at 2:40 PM, Blogger Seema*

    هههه , يحليــــله !
    سبحان الله إذا الواحد شاف اللي حواليه مهتمين بشي تلقينه تلقائياً يشاركهم فيه و هذا يفسر انتقال موهبة الآباء الأبناء و بعض الصفات اللي ما تنتقل بالجينات
    لما يكبر و يحترف بالتصوير بقول هذي خالتي اللي ساعدتني في هالموهبة
    صوره عجيبة ما شاء الله
    لول عندي ولد خالي الصغير ما يخلونه يجيس شي ببيتهم فلما اييني تلقينه بس يحوس و أول ما يشوف كام على طول يجك جك ;Pp..ساعات يطلع منه شي حلو يعني تلقينه مشتط يروح يمين و يصعد فوق عشان تطلع الصورة حلوة
    الله يخليلج ولد أخوج =))

     

  • At January 9, 2007 at 12:04 AM, Blogger ::heba::

    لوووول اي والله انا لاحظت هالشي بس متأخر;p

    مشاري ولد اختي كريتيفيا ... اخوي ماتزوج ليما الحين ;p

     

  • At January 9, 2007 at 2:08 PM, Anonymous Anonymous

    شوفي إنتي كاتبة عيال إختي و أنا مصره عيال أخوج ;$
    يلا إن شاء الله بعدين في المستقبل تطلعين مع عيال أخوج و تودينهم الأكواريم و تشوفين فنهم =))))

     

  • At January 9, 2007 at 5:10 PM, Blogger Nescafé

    ياحليله مشاري .. حبيته هالولد
    ;P
    الله يحفظه

    بس فعلاً انا اأيد كريتيفا باللي قالته.. الصغير لما يشوف اهتمام اللي حوالينه بشي معين تلقين في تقبل عنده تجاه هالشي

     

  • At January 10, 2007 at 12:34 AM, Blogger ::heba::

    لووول عادي كريتفيا ساعات الواحد يقفل على شغله ;p

    امين انشالله واشوف عيال عياله ;p

    نسكافيه حبيتج العااااااااااافيه
    لووول عاد صج هالولد ينحب ;p
    صح يصير لاشعوريا يحب هالشغله ..الحين صار
    يدش الاستيديو ويفج الفلاشات وساعات يوزعهم بعد ;p

    الله يخليهم انشالله ومشكورين على كلامكم خواتي :")

     

  • At January 10, 2007 at 1:02 AM, Anonymous Anonymous

    لا بد أنتقال الهواية من الكبار الي الأطفـال بالفطرة فـهم يراقبون مـن يحبون
    الله يخليهم لـج
    مـدونة رائعه

     

  • At January 10, 2007 at 9:20 AM, Blogger Kuw_Son

    هبة .. أهلا بك في عالم المدونات P: اللي يسمعني يقول صارلي سنين أكتب :)

    شاكرلج مرورج الكريم لمدونتي المتواضعة :)

    بصراحة لما قريت الموضوع .. مادري ليش ولد أختج يذكرني بولد خالي الصغير .. ماشاء الله ما تخلو عايلة من واحد منقوز و حرج :)
    و فعلا لا تستهينين بالصغار و لا تدقرينهم .. عطيهم فرصة و شوف الابداع :)

    صور مشاري بالنسبة لعمره جميلة جدا و غير متوقعة .. الله يعطيج العافية صبرتي على شطانته :)

     

  • At January 10, 2007 at 1:06 PM, Blogger ::heba::

    كلامك منطقي اخوي خالد :")
    شاكرتلك مرورك بمدونتي المتواضعه :")


    kuw_son
    نورت المكان اخوي محمد :")
    لوول اكيد انا لاحظت كل عايله فيها واحد منقوز هههه بس ياحلات لقافة مشاري يمكن لانه مدلع لانه اول حفيد عندنا :D

    وفعلا الياهل لازم مايتدقر :")

     

  • At January 10, 2007 at 10:44 PM, Anonymous Anonymous

    الله يحفظه انشالله
    هالولد في ميزه تعجبني وايد الا واهي حب الاستكشاف الظاهر طالع علي :>
    ومشالله فنان طالع عليج :>

     

  • At January 11, 2007 at 11:59 PM, Blogger ::heba::

    شكرا عبدالرحمن
    شهاده اعتز فيها ..
    :)

     
Post a Comment ~ back home