Friday, May 11, 2007
شكرا : )


في كل يوم من هالسنه ألاحظ تغيرات تطرأ على تختلف عن كل سنه فاتت

لكن بكل سنه احس بشي يكبر داخلي ...لكل من حولي ...وكل مااكبر احساسي

يكبراكثر واكثر ....


اليوم بالذات ...اقدر اقول كان يوم مميز جدا جدا حافل بكل ماهو حلو ويديد وسعيد

عندي ناس اعتبرهم دينامو حياتي...لا ساعات اعتبرهم هواي الي اتنفسه : ) الله لا
يحرمني منكم يااارب ....



مادري ليش طق بالي اكتب شي بهاليوم ولو انه متأخر بس ابي اكتب شي ...وابي أشكر

كل شخص تمنالي سنه سعيده كل من دزلي هديه رساله ورده مسج كل شخص
اقوله من كل اعمااااااق قلبي شكرااااااا


شكر خاص جدا


الي من دون سماعات iPod لاصحاب -
:p
حياتي من دونكم مالها معني :**


شكر خاص جدا لاصحاب

العزيمه الحلوة اثلجتوا صدري الله يخليكم لي يارب : ))


شكر خاص لاصحاب المسجات الحلوة : *

شكر خاص لحبيبه قلبي امي الغاليه عسى الله لايحرمني منج
ولخواتي الثنتين الله يخلينا لبعض ولا يفرقنا : ))


شكر خاص لباسكن روبنز لاني كليت منه بليل ليما شبعت ;p



شكر خاص لاصحاب الهدايا هذي : )


احلى كرت تلقيته من احلى وارق واطيب انسانه كريتفيا الغاليه : )


هديه تعكس شفافيه وطيبة قلب صاحبها : )





شكرا لكم كلكم


اناسعيده كوني معاكم وسعيده اكثر


كون ربي دايما يعوضني بناس طيبه تسعدني كل دقيقه



مشكورين..... احبكم : )

::هبه::


 
posted by ::heba:: at 11:06 PM | Permalink | 18 comments
Friday, May 4, 2007
شغلات تحر الواحد !!


ساعات تحر الشخص شغلات وده يقولها ...وساعات تحتر من شخص ودك تقوله بويه انت ترى تحرني


وانا بالي ناس حاريني ( وبقوله او بقولها انت او انتي ) ترى حاريني
وباطين جبدي زين ;p



وشغلات تحرني واشوفها دائم....ومنها


يحرني حجاب بنات هالايام..الراس وارم اللهم ياكافي من كبره

يحرني الريال العود الي يفرفر بالمجعات ويغازل بنات كبر بناته ...يالله حسن الخاتمه بس

يحرني الشخص الي يقول شخباري نكتب عربي مسجات ولا ايميلات كله انجليزي معرب

يحرني الشخص الي وصل عمره مليون ومايصلي ...ماتخاف ربك شنو

يحرني الشخص الي يسمع اغاني انجليزيه ومايفهم منها شي

يحرني الشخص الي يوقف لي صار حادث بالشارع بس عشان يطمش ...ياحبكم لطماشه

يحرني الشخص الي يحاسب بالجمعيه وعربانته متروسه وانا معاي بيبسي ومايخليني احاسب قبله ;/ نحيس

تحرني خدامتنا لما تقعدني من النوم لانه اذا بتقعدني تسوي لي عمليه رعب

يحرني صوت المغني رابح صقر

يحرني الشخص الجذاب ...الجذب حبله قصير ترى

تحرني كلمه هذا اصيل ولا لأ...مادري انت من القمر واهو من المريخ مثلا


يحرني المكياج الاوفر يسبب لي ضيق تنفس اذا شفته ;p


يحرني الي يدخن بمكان ممنوع التدخين..مسأله عناد بأغلب الاوقات


أحتر اذا رحت السوق ومالقيت شي اشتريه



واخر شي
يحرني دوامي لانه سكر المسنجر ;p


وانتو شنو يحركم شاركوني حراتكم ؟؟؟؟
:P
.
.
.
وبالي كلمه ودي اقولها ...... لودامت لغيرك ما تصلت اليك ....يالي فبالي :)



 
posted by ::heba:: at 2:52 PM | Permalink | 15 comments