يوم الثلاثا كنت طالعة مع اختي وقبل مانرد البيت قلنا نمر على اقرب مطعم ناكل فيه ونرد
المهم كان مطعم ديفاز اول مطعم على طريجنا ...صفطنا ونزلنا والجو لحد الان عال العال
المهم دخلنا المطعم وقعدنا على الطاولة والجو كان بقمه الهدوء قعدنا نسولف انا واهي والا دقايق والطلب واصل تونا بدينا ناكل
الا فجأة نسمع نانسي عجرم تغني ...
انا واختي اول ماسمعنا الي تغني بصوت رهيب جدا(مزعج لأبعد حد)ا
اغنية
(اه ونص)
طالعنا بعض وقلنا شكو نانسي اهني ;p
وودقايق وتغرد هيفاء وهبي
(لكي الواو ليك)
لالا الوضع موطبيعي شنو في حفله فوق يايبين نانسي وهيفا
وثواني ولا يدش مساري يغني
لالا وصلت للأجنبي الموضوع في انه
وبدوا عقب اشكال غريبه عجيبه تدش المطعم
الي شعره منكوش والي بنطلونه نصه بسكه
والي لابسه تنوره تغطي اصبعين منها
يعني الوضع كان جدا غريب!!
والمشكله كلهم شباب صغار
نادينا الريال قلنا لوسمحت شنو في فوق
شنو سالفه ناس داشه وطالعه وكل ساعه مغني يغني
قال :شو مدموزيل ماعندك فكره انو كل ثلاثا في كاريوكي هون؟؟
طالعت اختي ورديت طالعته :قلت لا والله ماتشرفت وعرفت الا منك
;p!!؟؟
قلت ممكن تخلي طلبنا تيك اوي
قال:شو في انزعجتوا شي؟؟
قلت :لا والله اطربونا عيال الحلال الي فوق الصراحه ووايد
جزاهم الله خير
;pp
وصدق الخبل !!..؟؟
المهم انا الوضع كلش ماياز لي
قلت لأختي ابي اروح اشوف شنو في فوق
ركبت وصلت فوق الا الناس زيطه وزمبليطه
الاخوان والاخوات بطاولات مشتركه لبس الصراحه حدث ولاحرج
الشيشه ودخانها مسيطر على الاجواء ليتات ديسكو بكل مكان
وناس تطرب وتغني وناس تصفق وناس ترقص
الصراحه وقفت حوالي ربع ساعه بس اشوف المستوى الي اهم في؟؟
معقول هذا بالكويت ؟؟!!
معقول وصل المستوى فينا جذي!!؟؟
ناس مزلطه وناس ترقص وناس تغني ؟؟
اشكره عيني عينك لاحيا ولا مستحى
والمشكله كلهم شباب صغار ؟؟شلون الدوله مخليه وضع نفس هذا جذي..؟!!
هل معقول ان الوضع هذا ينسكت عنه ؟!!
الصراحه حز بخاطري الي شفته ...وين الدين وين الاسلام وين العادات والتقاليد..!!
حقيقة اذ لم تستحي فأصنع ماشئت
.
قبل كان اكو ديسكوات بالكويت : )
قبل لا ننولد
السؤال .. مو وين وصلنا
السؤال ليش رجعنا لورا !