Monday, July 30, 2007
انشقاق بقوس الالوان


كان يوم جميلا ...فبعد تناول وجبة العشاء بأحد المطاعم الايطاليه كنت برفقتها فهي مايسمى
بقرينه روحي... جلسنا على البحر لقد كان الهواء باردا رغم انه من اشد الاشهر حراره بالكويت
اخذت نفسا عميقا كان الجو هادي جدا.. البحر وصوت الموج الهادئ انعكاسات الاناره على
صفحات امواجه المتلئلئة ..ضحكات اطفال يلهون على مقربه منا



نظرت الي وسألتني : هل انتي على مايرام الان

بادلتها النظره بأبتسامه : بالتأكيد


صمت طويل ونحن ننظر للبحر


فجر سكون المكان رساله من هاتفي

نظرت الي المرسل:....... معقوله الم ينتهى الموضوع!!

لم اعد اطيق النظر الي هاتفي مجددا اغلقت الهاتف

اخذت نفسا اعمق واخرجت زفره اقوى !!

نظرت الي وقالت :الم ينتهى مسلسل الرسائل تلك

انا :لا اعتقد سينتهى
هي : لكن الي متى انتهى الموضوع... انسى كل شي ارمي كل مايتعلق بهؤلاء الاشخاص ورائك
أنا : بالتأكيد سأفعل فلم اعد اطيق تلك اللعبه ولم اعد اطيق من يلعبها معي




السؤال الذي يطرح نفسه

في كل موقف اقول سأنسى كل شي وامسح كل شي من ذاكرتي... لكن لم افعل شي الى الان ...
لماذا ...؟؟؟ ما مشكلتي ..؟؟؟





حياتي كانت ملونه قبل معرفتهم ..لكني بعدهم تدحرجت من قوس الالوان
لأسقط فوق غيمه سوداء حلقت بي بعيدا ولم اعد اعرف
سوى رعد ...برق..وثلوج رماديه
اسئله كثير كثيره تجول اعماق نفسي .. لاتلقى اجابايه
وقد تعودت سكن نفسي...واخشى عليها خشونه وجرح الاجابات ..!!!






لكن.....!!!


لقد حان الوقت

-------------------------

علمني كيف يعود الرماد جمرا

والأنهار نبعا

والبروق غيوما

وكيف ترجع اوراق الخريف الى أغصانها ثانية

لأعود اليك.!!



(غادة السمان)





 
posted by ::heba:: at 12:13 PM | Permalink |


44 Comments:


  • At July 30, 2007 at 11:42 PM, Blogger Sheikha85

    جم مره اقولج مريني واخذيني وياج بالجو الحلو وقعدت البحر :Pp

    نقلتي لنا الحوار بشكل سلسل وباختصار
    كلماتج تدخل القلب واحاسيسج تدغدغ الاحساس


    مشكلتج يا هبونه اخلصتي ووفيتي وضحيتيي واغليتي و..و..و..و
    فهل يعقل كل هذا يكون هبااااء ؟
    النفس مهما كانت تبقى فخوره بماضيها بحبها بشي املكته ولو لفتره
    من الصعب التخلي عنه بسهووله ووبضغطت زر وكانه لم يكن ..
    وعلى هذا فالنفس ترضى بالذل او بمعنى اخر التضحية واعطاء المبررات ولكن لابد ان يكون بمقابل
    وبعد اليأس تتحلي النفس بعزتها وقوتها
    قد يكون ماحصل درس .. تجربه ..والنتيجه اما النجاح والرضى او الفشل والخساره وبكلى الحالتين النفس ربحااااانه

    ان كان رأيي يهمج فالجرح مؤلم والقلب مكسوور والذكرى مؤذية كثييير
    فاكتفي بمرور الذكرى بعييد عن الرسائل والذكريات الماضيه :)

    تحياتي

     
  • At July 31, 2007 at 1:47 AM, Blogger OutOfReach

    It will be hard for awhile believe me , from what you wrote i guess i know how you feel i've been there once.
    time is a healer ... Thats what they keep saying :P
    my advice: for now just get busy.. this will help you alot.
    RegarDs
    by the way nice blog i'll be a vistor from now on :)

     
  • At July 31, 2007 at 4:17 AM, Blogger hamdool

    يا سلام

    عيل آنا حق منو كاتب البوست
    القبل الأخير ما تعلميني؟!؟

    Remember dear ..

    الياي أحلى

    w always keep moving forward ..
    the sms is getting you back!

    تقدرين تغيرين أرقمج وغيره
    بس أهم شي الإراده اللي إذا
    توفرت حتى
    hamdool
    تنسينه

    :)


    خلج قويه
    وما يهزك ريح
    يا مركب هوانا

     
  • At July 31, 2007 at 5:29 AM, Blogger 5roofa

    امبي تدرين شنو كلامج يعور القلب

    الصراحه الله يعينج و ماقدر اقول شي لانه انا بهالمجال كلش مو شي

    و يمكن بدل ما اساعدج ازيد الطين بله

    بس الله يعينج و يصبرج و يا رب مايمر الاسبوع الا و انتي لاقية حل حق مشكلتج

    salamz sweete...

     
  • At July 31, 2007 at 7:12 AM, Blogger ::heba::

    شيوخه انتي كنتي مسكره الجهاز ورافعه الجام :P



    خلاص ياشيخه
    الماضي ودعته بمره بحلوة
    لانه بالوقت الحالي لازم الواحد يكون حذر وحذر جدا جدا

    كلامج كله عدل وعجبني
    كل شي ينتهى وكل
    جارح الله بيجرحه بيوم

    انا ودي افتك منهم بس
    ابي ارتاح والله ....

    نورتي البلوق وكلامج اسعدني
    وكلام امس بعد :)

    الله يخليج لنا يارب : )

     
  • At July 31, 2007 at 7:15 AM, Blogger ::heba::

    OutOfReach
    رائع بأن نشعر بأن الاخرين يشاطروننا
    تلك الالم ويستشعرونها بذاتهم الطيبه...

    لا من جديد سوا الامل بكلامكم
    بأن ينتهى هذا الكبوس المزعج من حياتي


    وسعيده جدا كون المكان نال استحسانك
    وانت مكسب لنا بالبلوق حياج الله بكل وقت وكل ثانيه :)

     
  • At July 31, 2007 at 7:18 AM, Blogger ::heba::

    hamdool

    ماعاش الي ينساك يا
    hamdool :)

    والله كلامك عدل بعدل
    ساعات من الضغط النفسي
    الي يسببونه لك ..تتعب
    تحس ان خلاص لك لمت وعقب تنفجر...

    هذا الي احسه بس


    لكن ماعاش ولاعاشت الي يفكرون
    يضايقوني مدام عندي ناس نفسكم :)

    hamdool
    مرورك هنا يدفعني للتغير
    شكرا من اعماق قلبي :)

     
  • At July 31, 2007 at 7:21 AM, Blogger ::heba::

    5roofa

    سلامه قلبج والله : )
    الله موجود ياقلبي
    والحمد الله كل مشكلها ولها حل
    وكل مليق ,ومليقه لهم نهايه :P

    نورتي المكان حبوبه:)

     
  • At July 31, 2007 at 8:25 AM, Blogger Mishari

    لا يمكن يا عزيزتى ان تكون الحياة بدون الم
    فهذا ما نتعلم منه

    :)

     
  • At July 31, 2007 at 12:43 PM, Blogger Ra-1

    Loved this post!

     
  • At July 31, 2007 at 1:20 PM, Blogger CeCe

    7addy ta2athart. Thanks.

     
  • At July 31, 2007 at 6:31 PM, Blogger U_SF

    This comment has been removed by the author.

     
  • At July 31, 2007 at 6:36 PM, Blogger U_SF

    مممم ... !

    نصيحه لج أختي هبه ..

    اذا الشخص اللي ارسل لج الرساله غالي على قلبج .. لا تمسحينه من حياتج

    اما اذا كان ما يسوى .. فانا أول من يقول لج ابعديه عن طريجج وبلاش النكد
    ^_^


    ليش قلت لج لا تمسحينه من حياتج ؟؟

    لأنه الانسان بطبعه يتعلق بالأمل ..
    شلون يعني ..؟

    يعني ما تقدرين تتخلين عن أمل الا لما تلقين أمل آخر ..

    يعني لما تبين تتركين شخص عزيز عليج .. لااااازم تلقين شخص ثاني بديل عنه :)

    وآسف اذا ما قدرت اوصل إلى ما تصبوا اليه خواطرج

    وشكراً ^_^

     
  • At August 1, 2007 at 1:09 AM, Blogger KeChie-ChaN

    كلما ارتفع الإنسان , تكاثفت حوله الغيوم والمحن و عرفي يا هبه انج في ثامن سما بعيد عنهمـ

    “The reason people find it so hard to be happy is that they always see the past better than it was, the present worse than it is, and the future less resolved than it will be”
    Marcel Pagnol

    Be happy, girl ! .. Khali il.3ethal yMOTOn ;Pp**~!

     
  • At August 1, 2007 at 9:43 AM, Blogger Mishari

    عزيزتى اتمنى المشاركة بالتصويت على افضل نائب للدور الانعقاد الماضي
    بالمدونة عندى

     
  • At August 1, 2007 at 9:45 AM, Blogger ::heba::

    Mishari
    بالتأكيد ..ولولا الالم لما تعلمنا
    الالم ..تجربه...والقادم افظل بأذن الله
    سعدت بمرورك الكريم : )



    Ra-1
    شكرا وانا اكثر بمرورج :)

     
  • At August 1, 2007 at 9:51 AM, Blogger ::heba::

    CeCe
    مشكوره على مرورج
    تأثرج دليل وصول كلامي للي بالي
    سعيده بمرورج اختي العزيزه
    : )


    U_SF
    اخوي يوسف عجبني كلامك
    لكن الي بالي غير...

    اذا الواحد عطى بضمير
    وبالاخر يكون ولاشي ويستهان فيه
    ويعتبر بنظرهم انك صغير ونكره!!
    اهني لو الشخص له مكانه بقلبك
    اعتقد تنتهي عقب الكلام هذا...

    الحياه اخوي يوسف توريك وايد اشياء ومنها نتعلم...انا قررت انتهي من كل شي..وابدي من يديد ..تدري ليش لانه الواحد يضحي لناس تحس مو ناس عديمه احساس وضمير للاسف ...

    احب كلامك ...ومرورك يهمني وايد اخوي
    مشكور :)

     
  • At August 1, 2007 at 9:55 AM, Blogger ::heba::

    KeChie-ChaN
    كريتفيا...لكل مرور لج سحر
    خاص ..دفعه لي ..بالمعنى الاصح فاهمه كل شي ..:)

    لكن تدرين شنو يميزني اني ما اشوف نفسي نفس غيري ..اني مهما وصلت من
    مراتب ثقافه مستوى تعليمي ..اتم انا اهي انا.... :)

    انا سعيده تدرين ليش
    ؟؟؟

    لانكم دايما يمي ودايما معاي
    احبكم:**


    Mishari
    من عيوني اخوي :)

     
  • At August 2, 2007 at 12:21 PM, Blogger Nescafé

    بصراحه وانا اقرى الموضوع عورني قلبي
    خاصه ان نوعي بسرعه اتأثر

    بس اهم شي العزيمه باخر الموضوع
    واكيد هالمره غير
    :>

     
  • At August 2, 2007 at 3:32 PM, Blogger ::heba::

    Nescafé
    سلامه قلبج والله:**
    اكيد العزيمه هي كل شي
    ولولاها ماكان استمرينا بالحياه : ))

    حياج الله : ))

     
  • At August 3, 2007 at 12:39 AM, Blogger عيون الحب

    تصدقين
    دوم اشوف اسمج في ردودج على مدونات كثيرة
    بس مادري ليش مادخلت مدونتج الا اليوم؟

    مدونتج حلوة ماشاء الله واسلوبج وايد حبيته
    شكلي بعفّن عندج هني لوول

    أحلى شي لما الانسان يقابل البحر
    لحظات الصمت اللي يعيشها
    والحديث الروحاني اللي يربطج بالبحر
    يخليج تشعرين براحة غير عن اي راحة ثانية

    في حياتنا نواجه الحلو والمر
    والحلو ابد ما نتمنى ينتهي
    وحتى لو انتهى نظل نعيش على ذكرياته الحلوة ونتفادى المر فيها
    عشان تظل الصورة حلوة بعينا بالرغم من قساوتها الحين

    اي شي انتهى بحياتج اذا بتظلين مرتبطة فيه ارتبطي بذاكرته الحلوة وانسي الباقي
    وامضي بحياتج لقدّام لأن الحياة ماتوقف عند محطة وحدة فقط

    تذكري دايما اذا كانت محطتج الاولى مو حلوة فالقادمة ان شاء الله احلى
    والتفائل والارادة لازم يتواجدون للمضي في حياتج للأمام :)

    اسمحيلي عالاطالة :)

     
  • At August 3, 2007 at 11:43 AM, Anonymous awrad

    عندما نرسم دروبنا
    قوس قزح مع من نحب

    و يرحلون !
    غير عابهين بجميع ما نحمل
    ويستكثرون علينا تلك الطرقات

    فيتركوها حطاما ووحشه
    وبقايا ذكريات

    يجدر بنا ان كان لا امل
    وايقنا انهم لا يستحقون منا النبض
    ان نقتلعهم من جذور حياتنا

    فلا تتركي شيئا منهم
    يفقدكِ الالوان

    فأنت .. هاويه عاشقه
    لتلك الالوان !

    فكيف تجعلين من اللالون
    ينخر بحياتكِ بخبث ؟

    انفضي غبار الماضي
    حتى وان كان قريب

    وعانقسي السماء
    في طريق قوس قزح

    فكلنا لك حب
    وود

     
  • At August 3, 2007 at 2:23 PM, Blogger Kuw_Son

    just be brave and delete those messages Heba .. cut every message that connects you with those people or person :)

    Allah y36eech el 3afya :)

     
  • At August 3, 2007 at 10:12 PM, Blogger Ni3Na3aH

    a93ab fatra when you try moving on... laman you delete all their details and you get rid of everything that reminds you of their existance.. bs you will be relieved ba3dain... when you are free.. o laman y9eer kil shay mojarad thekra.. fatra o t3adee.. o allah y3eenech

     
  • At August 4, 2007 at 12:35 AM, Blogger ::heba::

    عيون الحب
    تدرين من احلى الصدف انج مريتي بمدونتي
    ومن خلال مرورج عرفت مدونتج وشفت اسلوبج مشالله واخت عزيزه وغاليه
    خاصه انج من امارات المحبه : )


    البحر متنفس لنا كلنا كبشر
    ودائما يتقبل همومنا بصدر رحب
    بس للاسف مايعطينا اي مساعده اورد!!

    واكيد الحياه مثل ماذكرتي عزيزتي
    فيها الحلو وفيها المر واحنا نتعلم من
    مر الدنيا..!!

    وانا من اكثر الناس تفائلا : )
    وبالعكس انا كلي يقين ان القادم احلى واروع..الحياه تسير وماتوقف على جم شخص
    جرحنا او ضايقنا :)

    حبيت مرورج اختي وانشالله دايما تطلين علينا: )

     
  • At August 4, 2007 at 12:46 AM, Blogger ::heba::

    awrad :

    ااااه يا اوراد ....
    كانت لوحه بالوان القوس قزح
    تنبض صدق وحب واخلاص...
    لكن بالوانهم السوداء
    تركوا خربشات خربشات على تلك اللوحه
    وتركوها مشوهه ..رافظه ان يراها ذلك الرسام ..الذي رسمها بحب واخلاص...

    فلا امل معهم رغم
    اعطائهم الاف الفرص
    واعطائهم املا بالاصلاح والعوده
    مجددا...

    لكن لاحياه في تلك النفوس
    التي تاخذ ولاتعطي سوى الم
    يسكن قيعان ارواحنا
    غير عابهين بألام قلوبنا....

    انا قررت اقتلاع ماتبقى لهم في قلبي
    الذي اصبح كغرف مهجوره
    بعدهم..

    فلا حياه لهم بحياتي
    فانا من اقرر هذه المره وليس هم..


    اوراد لمرورك شذى يجعل قلبي
    دائما يتفائل...


    عسى الله لايحرمنا منج :)

     
  • At August 4, 2007 at 12:48 AM, Blogger ::heba::

    Kuw_Son
    بالتأكيد ... هذا المفروض يصير
    والي لازم يصير : ))

    اخوي خالد تسلم لمرورك الكريم
    وحمد الله على السلامه :)

     
  • At August 4, 2007 at 12:50 AM, Blogger ::heba::

    Ni3Na3aH

    اكيد اهي فتره وتعدي ..
    وبالتأكيد التغير واتاخذ القرار
    مسأله صعبه ..لكن كل شي بعون الله يسهل

    وبيوم
    تكون مجرد ذكرى بحياتي
    ويمكن انساها....

    مشكوره اختي على مرورج :)

     
  • At August 5, 2007 at 12:11 PM, Blogger جنون إحساس

    إذا هالشخص تغير وصار ما ايينا منه غير الألم ليش نستمر؟

    ادوس على قلبي شوي
    قبل لا ينكسر

    وكل علاقة نمر فيها
    نتعلم منها عشان نتجنب مثلها مستقبلاً

    :)

     
  • At August 6, 2007 at 12:30 AM, Blogger Nachla

    اسوأ شي الناس اللي تيرنا
    حق عالمهم
    اسوا شي الناس اللي نتاثر فيهم بالاسوا
    وللحظة ننزل من مكان حلو كنا فيه علشان نلاقي نفسنا معاهم في الدرك السفلي

    delete delete delete

     
  • At August 6, 2007 at 12:56 AM, Blogger ::heba::

    جنون إحساس

    كلامج قمه بالمنطق
    اذا بدى الالم يكتسح عالمنا
    بسببهم ننساهم ولو كانوا
    قلوبنا : )

    شكرا لمرورج الكريم

     
  • At August 6, 2007 at 1:03 AM, Blogger ::heba::

    Nachla


    اسواء شي لما نخلص
    ونعطي لناس ماتستاهل
    او بالاحرى ماتقدر ...

    و تزيد من آلامنا...
    دليت اقل شي يمكن ان نقدر نسويه

    تسلمين على المرور :)

     
  • At August 6, 2007 at 4:10 PM, Blogger حلم جميل بوطن أفضل

    الكلام المكتوب ينفع حق مسلسات فجر السعيد بصراحة

    شنو شربتوا؟

    عصير كيوي؟ و لا باشن فروت؟ و لا بيذان

    أنا أقترح تكسير التلفون من عرجه أفضل لك و من غير مخاسير الفواتير

    تحياتي

    :)

     
  • At August 6, 2007 at 9:10 PM, Blogger فراوله

    مساالورد والجوري
    غاليتي
    هبونه
    جميل ان نحب...نعشق..نشتاق..ان نحس بسريان تلك المشاعر والاحاسيس بعروقنا
    ولكن لمن هم فعلا يستحقون تلك المشاعر والاحاسيس
    من ناحيتي صعب علي ان اتالم واتجرع الغصه ...وبالمقابل ان انسي بكل سهوله
    صدقيني كل شي له وقته صج صعب بس حاولي وراح تقدرين ترجعين مثل الاول واحس باذن الله تعالي
    دمت بحب وود
    ابدا
    :)

     
  • At August 7, 2007 at 12:18 AM, Blogger ::heba::

    حلم جميل بوطن أفضل

    التكسير لا يؤدي الي نتيجه ..التغير من الداخل ...
    حياك الله اخوي مشكور
    على مرورك الكريم : )

     
  • At August 7, 2007 at 12:20 AM, Blogger ::heba::

    فراوله

    نورتي المكان فراوله : ))
    فعلا كلامج على دليل
    صعب ان نتجرع الالم وبلحظه ننسى مافعلوة ....

    باختصار مفيد انتهوا من حياتي
    والحمد الله قدرت على التغير : ))

     
  • At August 12, 2007 at 1:32 PM, Blogger TRΰţH HΰRţ$

    هبه ما تتصورين شكثر عشت الجو حسيت باللى تقولينه وكأنه صار لى ,, بالفعل كلنا نمر بهالمواقف البايخه اللى مثل جذى :) بس الله يعين ..
    عيشى حياتج :)فديت قلبج

    btw ana il.embra6ora ;P chan ma3rfteny ,, and i got a new blog here ;) like your bosts alot ,, keep GoiNG :*

     
  • At August 12, 2007 at 4:32 PM, Blogger Shaima'a Alkandari

    النسيان مرات يكون صعب ن كان الشخص اللى نبي ننساه عزيز علينا ومحتل مكن كبير بالنسبه لنا

    وصدقيني ممكن تنسين بارادتج لكن موبسهوله

    واذا تبين تنسين انسى الذكرى اللى ماكانت حلوه

    وتذكرى كل لحظه حلوه وافرحتج

     
  • At August 13, 2007 at 12:57 AM, Blogger ::heba::

    TRΰţH HΰRţ$

    حيا الله الامبرواطوره
    منوره منوره المكان

    مشكوره على كلامج الطيب ياحياتي انتي
    واكيد كل واحد فيها مر بحياته بتجارب
    بمواقف مع ناس لكن هذي الحياه واحنا نتعلم ومانكرر الغلط بغلط 2......

    حياج الله بالمكان ولي زياره لج اكيد
    بالتوفيق ياقلبي :)

     
  • At August 13, 2007 at 12:59 AM, Blogger ::heba::

    Shaima'a Alkandari
    العزيزه شيماء ..كلامج بعين العقل
    النسيان بالبدايه يكون موسهل لاي موضوع بحياتنا ...لكن الوقت كفيل ينسي ويطيب القلوب ونسيها كل الجراح


    وبالاخر الحياه مدرسه ومنها نتعلم
    واكيد نستفيد .. : )

    حياج الله بالمكان منوره يالغاليه : )

     
  • At August 13, 2007 at 12:17 PM, Blogger 7osen

    عجبني البوست واايد

    فيه تساؤل صعب جدا

    أحيانا تكتشف أن أكثر شخص تحبه وتتواصل معاه أي كانت نوع العلاقة
    ما يبادلك نفس الشعور بنفس القوة والرغبه بالتواصل

    تتأكد بأكثر من موقف وتجربه من انه ما يحبك بالقدر الكافي اللى تبيه

    تقنع نفسك بهالشي وتحاول تبعد لكنك ما تقدر

    تحاول تفهم بكل الطرق وبكل الوسائل وبكل بكل شي ليش مو قادر وما تتوصل حق حل

    شي بالداخل يرفض مركز القرار يرفض

    وهذا الشي واايد يحسسك بالضعف

    بس دائماً لما نتخذ قرار باعقل وبالمنطق ونتمسك فيه اخيراً راح يسعدنا واايد ويريحنا واايد

     
  • At August 13, 2007 at 1:23 PM, Blogger MANAF

    هبـــه



    في ناس مرو بحياتنا


    ونقشنا اساميهم



    على اليال

    هذول مع اول رشة ماي راح تنمحي اساميهم



    ..

    وناس نقشنا اساميهم على الصخر

    هذول عمرهم ما راح تنمحي اساميهم

    !!

    ..

    حتى لو لغينا ارقام المزعجين

    بتم محفوظه بذاكرتنا

    اهني المشكله

    :)


    ..

    هبه

    يوم عيد ميلاد ام عبدالله

    طلعنا طلعه حلوه

    من ضمن الطلعه وعقب ما تعشينا بالمطعم

    قلنا خل نروح نقعد عالبحر

    تدرين شكثر كنا اثنينا محتاجيين هالقعده


    كنت طول الوقت ساكت اسمع اشياء كانت بخاطرها من زمان تقولها


    شكثر الطقوس مهمه

    والتوقيت مهم

    عشان يتفاهمون اثنين

    وعشان يحبون اثنين

    وعشان ينفصلون اثنين




    لازم نعرف متى نسمع

    ومتى نتكلم

    :)

     
  • At August 14, 2007 at 9:45 AM, Blogger ::heba::

    7osen
    كلامك عين العقل ..ساعات نقدم على خطوة قد تلحق الاذى فينا للابد ...
    ومن منطلق هذا القرار نوقف كل شي

     
  • At August 14, 2007 at 10:07 AM, Blogger ::heba::

    MANAF
    مناف ليت كل الناس نفسك
    اتوقع جان الدنيا بخير :)

    الله يخلي ام عبدالله لك وعساكم دوم مع بعض والله لا يفرقكم....المشكله
    يامناف ان الناس تغيرت

    ووكل منهم يقول نفسي وبس
    مناف حياك الله حبيت كلماتك :)